bauandorf

wås braucht ma auf an bauandorf
wås braucht ma auf an dorf ?

an golfplåtz 18 loch
då ziach ma s wagei nåch
es is fåst wia in hollywood
und mia glabn es is volle gutt

a chinarestaurant
då påmpf ma ins voll å
mit siaß und saua rind und schwein
zan schluß gibs no an pflaumenwein

a coole discothek
då blås ma ins voll weg
und wånn ma ins nid gråd dahåbn
dråh ma n hålt en stråßngråbn

a sonnenstudio
då reast ma ins voll ån
und nåchand semma braun und schea
und brauchn nia mehr auße geah

a ortsbildkommission
de setzt se wia folgt zsåmm
a rachfångkehra metzga und
a architekt mit blindn

a firma va weit he
mit årbatsplätz åls schmäh
und is subvention kassiert
wecht des glumpat liquidiert

an bauan mit an viech
der kaft ban billa mich
warum er nid sei oagne trinkt?
ja weil se oft nåch silo stinkt

an videovaleih
mit rambo oas, zwoa, drei
so kriagt de jugend friah gnuag mit
wås d toa muaßt wånn s probleme gib

an giftla gånz an årgn
zan mit n finga zoagn
oan wo ma woaß es is gånz gwiß
daß ma selba bessa is

des braucht ma auf an bauandorf
des braucht ma auf an dorf

(c) fritz messner / roabee music

Querschläger Homepage (neues Fenster)