nid so huseg

da ålte gradl fåhcht mitn wåffnradl
va schegang nåch michee
weil seit 20 jåhr kriagt a ba da kathl
jedn pfinståg kaffee
da tåg is schea da de auang grea
und auf n himme pickt koa futzei wolkn drån
nur auf n ånga heignt se mit an gneat
åls fångats glei zan regna ån

såg da gradl:
nid so huseg wåchts a walei
warum teats n gå so hamisch
nid so huseg wåchts a walei
es hudlwerch seg måcht glei damisch
oans kinnts ma glabn weil seg is gwiss
a tåg der wecht nia länka wia r a is

auf oamål gschpiacht da gradl muats an wind
va hintn kimmp a junga må
schnaufat schwitzat auf und auf voll dreck
åls wa da teife hintn drå

nåch an zeitl kimmp a zweita
viera hintan schwednreita
aus da båhn du heita schreit a
radlt weita wia r a zkeita

nid so huaseg...

da gradl schaut no schne zan gaupmå zube
um a glasl mamalad
er kaft an ettla huastnzettla
und fi de kathl an schogglat
vor da kathl ihra kucheti
vanimmp a gånz a frempe stimm
auf ihra eckbånk huckt da lexn much
und auf ihrn finga steckt sei ring

såg de kathl:
nid so huseg wåcht a walei
des sågst du ma schoa vi z lång
nid so huseg wåcht a walei
kånnst da dein schogglat daspång
nid so huseg wåcht a walei
mir wecht hiatz de zeit schoa kleba
nid so huseg wåcht a walei
måch da dein kaffee hiatz seba
oans kånnst ma glabn weil seg is gwiß
daß irgendwånn da ofn kiae is